១៣. សោធនហារវណ្ណនា

‘‘សព្ពធម្មមូលបរិយាយំ វោ, ភិក្ខវេ…បេ… ឥធ, ភិក្ខវេ, អស្សុតវា…បេ… បថវិំ បថវិតោ សញ្ជានាតី’’តិ អារម្ភោ. ‘‘បថវិំ បថវិយា សញ្ញត្វា បថវិំ មញ្ញតី’’តិ បទសុទ្ធិ, នោ អារម្ភសុទ្ធិ. តថា ‘‘បថវិយា មញ្ញតិ បថវិតោ មញ្ញតិ បថវិំ មេតិ មញ្ញតិ បថវិំ អភិនន្ទតី’’តិ បទសុទ្ធិ, នោ អារម្ភសុទ្ធិ. ‘‘តំ កិស្ស ហេតុ អបរិញ្ញាតំ តស្សាតិ វទាមី’’តិ បទសុទ្ធិ ចេវ អារម្ភសុទ្ធិ ច. សេសវារេសុបិ ឯសេវ នយោតិ. អយំ សោធនោ ហារោ.