១៧. អាបុច្ឆករណនិទ្ទេសវណ្ណនា

១៦១. ថេរេនាតិ សង្ឃត្ថេរេន.

១៦២. តត្ថ តត្ថ សន្និបតិតានំ សព្ពេសំ វុឌ្ឍោ វុឌ្ឍតរោ, តស្មិំ វុឌ្ឍតរាគមេ បុន អាបុច្ឆនំ នត្ថិ. ភត្តគ្គេ ចានុមោទតោតិ ឯត្ថ ទានបតិនា យាចិតេន ទហរេន វុឌ្ឍេន អនាបុច្ឆិត្វា កថេតុំ វដ្ដតីតិ វទន្តិ.

១៦៣. ឯកវិហារកេតិ ឯកោវរកេ វុឌ្ឍេន វសន្តោ អនាបុច្ឆា ន សជ្ឈាយេយ្យាតិ អត្ថោ. ឧទ្ទេសំ បរិបុច្ឆញ្ច នោ ទទេតិ ឧទ្ទេសំ វា បរិបុច្ឆំ វា នោ ទទេយ្យ.

១៦៤. ន វិវរេយ្យ ន ថកេយ្យ ចាតិ សម្ពន្ធោ. ទ្វារំ នាម មហាវឡញ្ជំ, តត្ថ អាបុច្ឆនកិច្ចំ នត្ថិ.

១៦៥. វុឌ្ឍេន ចង្កមេ ចង្កមន្តោបិ យេន វុឌ្ឍោ, តេន បរិវត្តយេតិ សម្ពន្ធោ. អាបុច្ឆករណវិនិច្ឆយោ.

អាបុច្ឆករណនិទ្ទេសវណ្ណនា និដ្ឋិតា.