៣៦. ភេសជ្ជនិទ្ទេសោ

ភេសជ្ជន្តិ –

២៧៤. ជនស្ស កាតុំ ភេសជ្ជំ, ទាតុំ វត្តុំ ន លព្ភតិ;

ភិក្ខាចរិយវិញ្ញត្តិ, សកេហិ សហធម្មិនំ.

២៧៥. បិតូនំ តទុបដ្ឋាកភិក្ខុនិស្សិតភណ្ឌុនំ;

លព្ភំ ភេសជ្ជករណំ, វេយ្យាវច្ចករស្ស ច.

២៧៦. មហាចូឡបិតាមាតាភាតាភគិនិអាទិនំ;

តេសំ សកេនត្តនិយេ, ទាតព្ពំ តាវកាលិកំ.

២៧៧. កុលទូសនវិញ្ញត្តិ, ភេសជ្ជករណាទិ ហិ;

មាតាបិតូហិ សម្ពន្ធញាតកេសុ ន រូហតិ.

២៧៨. បិណ្ឌបាតោ អនាមដ្ឋោ, មាតាទីនមវារិតោ;

ឆន្នំ ទាមរិកចោរស្ស, ទាតុមិស្សរិយស្ស ច.

២៧៩. តេសំ សុត្តោទកេហេវ, បរិត្តំ កយិរា នត្តនោ;

ភណិតព្ពំ ភណាបេន្តេ, បរិត្តំ សាសនោគធំ.

២៨០. សីលំ ធម្មំ បរិត្តំ វា, អាគន្ត្វា ទេតុ ភាសតុ;

ទាតុំ វត្តុញ្ច លព្ភតិ, គន្ត្វា កេនចិ បេសិតោតិ.