៣. បឋមសិក្ខមានសិក្ខាបទវណ្ណនា

បទភាជនេ វុត្តនយេនាតិ ‘‘បាណាតិបាតា វេរមណិំ ទ្វេ វស្សានិ អវីតិក្កម្ម សមាទានំ សមាទិយាមិ…បេ… វិកាលភោជនា វេរមណិំ ទ្វេ វស្សានិ អវីតិក្កម្ម សមាទានំ សមាទិយាមី’’តិ (បាចិ. ១០៧៩) បទភាជនសមីបេ អដ្ឋុប្បត្តិយំ វុត្តនយេន. ឥមា បន ឆ សិក្ខាយោ សដ្ឋិវស្សាយបិ បព្ពជិតាយ ទាតព្ពាយេវ, ន ឯតាសុ អសិក្ខិតា ឧបសម្បាទេតព្ពា.

បឋមសិក្ខមានសិក្ខាបទវណ្ណនា និដ្ឋិតា.