៥. កុលមច្ឆរិនីសិក្ខាបទវណ្ណនា

កុលេ មច្ឆរោ កុលមច្ឆរោតិ បុរិមស្មិំ បក្ខេ សកត្ថេ ឥនីបច្ចយោ, តំ កុលំ អស្សទ្ធំ អប្បសន្នន្តិ កុលស្ស អគុណំ, អយសំ វា ភាសន្តិយាតិ អត្ថោ. ភិក្ខុនីនំ អវណ្ណំ ភាសន្តិយាតិ ‘‘ភិក្ខុនិយោ ទុស្សីលា បាបធម្មា’’តិ (បាចិ. អដ្ឋ. ១០៤៣) ភិក្ខុនីនំ អគុណំ, អយសំ វា ភាសន្តិយា.

សន្តំយេវ អាទីនវន្តិ កុលស្ស វា ភិក្ខុនីនំ វា សន្តំយេវ អគុណំ.

កុលមច្ឆរិនីសិក្ខាបទវណ្ណនា និដ្ឋិតា.