៧-១០. បដិពាហនាទិសិក្ខាបទវណ្ណនា

អានិសំសំ ទស្សេត្វា បដិពាហន្តិយាតិ ‘‘ឯកិស្សា ឯកំ សាដកំ នប្បហោតិ, អាគមេថ តាវ, កតិបាហេន ឧប្បជ្ជិស្សតិ, តតោ ភាជេស្សាមា’’តិ (បាចិ. អដ្ឋ. ៩១៥) ឯវំ អានិសំសំ ទស្សេត្វា បដិពាហន្តិយា អនាបត្តិ.

អដ្ឋមនវមានិ ឧត្តានត្ថានេវ.

សេសន្តិ ‘‘ធម្មិកេ វេមតិកាយា’’តិអាទិកំ អវសេសំ. តត្ថ អានិសំសំ ទស្សេត្វា បដិពាហន្តិយាតិ ‘‘ភិក្ខុនិសង្ឃោ ជិណ្ណចីវរោ, កថិនានិសំសមូលកោ មហាលាភោ’’តិ (បាចិ. អដ្ឋ. ៩៣១) ឯវរូបំ អានិសំសំ ទស្សេត្វា បដិពាហន្តិយា អនាបត្តិ.

បដិពាហនាទិសិក្ខាបទវណ្ណនា និដ្ឋិតា.

នគ្គវគ្គោ តតិយោ.