៩. បរអភិសបនសិក្ខាបទវណ្ណនា

មនុស្សទោភគ្គេន វាតិ ‘‘កាណា ហោមិ, កុណី ហោមិ, ឥតរា វា ឦទិសា ហោតូ’’តិអាទិនា មនុស្សវិរូបភាវេន. អត្ថធម្មអនុសាសនិបុរេក្ខារានន្តិ ឯត្ថ អត្ថបុរេក្ខារាយាតិ អដ្ឋកថំ កថេន្តិយា. ធម្មបុរេក្ខារាយាតិ បាឡិំ វាចេន្តិយា. អនុសាសនិបុរេក្ខារាយាតិ ‘‘ឥទានិបិ ត្វំ ឯទិសា, សាធុ វិរមស្សុ, នោ ចេ វិរមសិ, អទ្ធា បុន ឯវរូបានិ កម្មានិ កត្វា និរយេ ឧប្បជ្ជិស្សសិ, តិរច្ឆានយោនិយា ឧប្បជ្ជិស្សសី’’តិ (បាចិ. អដ្ឋ. ៨៧៨) ឯវំ អនុសាសនិយំ ឋត្វា វទន្តិយា.

បរអភិសបនសិក្ខាបទវណ្ណនា និដ្ឋិតា.