៥. អនាបុច្ឆាបក្កមនសិក្ខាបទវណ្ណនា

អាសីទន្តិ ឯត្ថាតិ អាសនន្តិ អាហ ‘‘បល្លង្កស្សោកាសភូតេ’’តិ, ឩរុពទ្ធាសនស្ស ឱកាសេតិ អត្ថោ. អនោវស្សកន្តិ និព្ពកោកាសំ. អជ្ឈោកាសេ ឧបចារន្តិ អជ្ឈោកាសេ និសីទិត្វា ទ្វាទសហត្ថប្បមាណំ បទេសំ. គិលានាយាតិ យា តាទិសេន គេលញ្ញេន អាបុច្ឆិតុំ ន សក្កោតិ. អាបទាសូតិ ឃរេ អគ្គិ វា ឧដ្ឋិតោ ហោតិ, ចោរោ វា, ឯវរូបេ ឧបទ្ទវេ អនាបុច្ឆា បក្កមតិ, អនាបត្តិ.

អនាបុច្ឆាបក្កមនសិក្ខាបទវណ្ណនា និដ្ឋិតា.