៤១-៤២. អនាហដសិក្ខាបទវណ្ណនា

សកលំ ហត្ថន្តិ សកលា អង្គុលិយោ. ហត្ថសទ្ទោ ចេត្ថ តទេកទេសេសុ អង្គុលីសុ ទដ្ឋព្ពោ ‘‘ហត្ថមុទ្ទា’’តិអាទីសុ វិយ. ឯវញ្ច កត្វា សព្ពគ្គហណំ សមត្ថិតំ ហោតិ. អញ្ញថា សកលំ ហត្ថំ មុខេ បវេសេតុមសក្កុណេយ្យត្តា សព្ពគ្គហណមសមត្ថិតមេវ សិយា. សមុទាយេ បវត្តស្ស ច វោហារស្ស អវយវេបិ បវត្តនតោ ឯកង្គុលិម្បិ តតោ ឯកទេសម្បិ មុខេ បក្ខិបិតុំ ន វដ្ដតិ.

អនាហដសិក្ខាបទវណ្ណនា និដ្ឋិតា.