៨. កណ្ឌុប្បដិច្ឆាទិសិក្ខាបទវណ្ណនា

អដ្ឋមេ កណ្ឌុប្បដិច្ឆាទិន្តិ អធោនាភិឧព្ភជាណុមណ្ឌលំ កណ្ឌុបីឡកអស្សាវថុល្លកច្ឆាពាធានំ បដិច្ឆាទនត្ថំ អនុញ្ញាតំ ចីវរំ.

សាវត្ថិយំ ឆព្ពគ្គិយេ អារព្ភ អប្បមាណិកាយោ កណ្ឌុប្បដិច្ឆាទិកាយោ ធារណវត្ថុស្មិំ បញ្ញត្តំ, សាធារណបញ្ញត្តិ, សេសំ និសីទនេ វុត្តនយេនេវ វេទិតព្ពន្តិ.

កណ្ឌុប្បដិច្ឆាទិសិក្ខាបទវណ្ណនា និដ្ឋិតា.