៥. តលសត្តិកសិក្ខាបទវណ្ណនា

បញ្ចមេ តលសត្តិកំ ឧគ្គិរេយ្យាតិ បហារទានាការំ ទស្សេន្តោ កាយំ វា កាយប្បដិពទ្ធំ វា ឧច្ចារេយ្យ. ឯត្ថ ច ឧគ្គិរណបច្ចយា បាចិត្តិយំ. សចេ បន ឧគ្គិរិត្វា វិរទ្ធោ បហារំ ទេតិ, ន បហរិតុកាមតាយ ទិន្នត្តា ទុក្កដមេវ, តេន បហារេន ហត្ថាទីសុ យំកិញ្ចិ ភិជ្ជតិ, ទុក្កដមេវ. សេសមេត្ថ សព្ពំ បុរិមសិក្ខាបទេ វុត្តនយេនេវ វេទិតព្ពន្តិ.

តលសត្តិកសិក្ខាបទវណ្ណនា និដ្ឋិតា.