២. ទុតិយានិយតសិក្ខាបទវណ្ណនា

ទុតិយេ ឥត្ថីបិ បុរិសោបិ យោ កោចិ វិញ្ញូ អនន្ធោ អពធិរោ អន្តោទ្វាទសហត្ថេ ឱកាសេ ឋិតោ វា និសិន្នោ វា វិក្ខិត្តោបិ និទ្ទាយន្តោបិ អនាបត្តិំ ករោតិ. ពធិរោ បន ចក្ខុមាបិ, អន្ធោ វា អពធិរោបិ ន ករោតិ. បារាជិកាបត្តិញ្ច បរិហាបេត្វា ទុដ្ឋុល្លវាចាបត្តិ វុត្តាតិ អយំ វិសេសោ. សេសំ បុរិមនយេនេវ វេទិតព្ពំ. សមុដ្ឋានាទីនិ បនេត្ថ អទិន្នាទានសទិសានេវាតិ.

ទុតិយានិយតសិក្ខាបទវណ្ណនា និដ្ឋិតា.

ឧទ្ទិដ្ឋា ខោតិអាទិ សព្ពត្ថ វុត្តនយេនេវ វេទិតព្ពំ.

កង្ខាវិតរណិយា បាតិមោក្ខវណ្ណនាយ

អនិយតវណ្ណនា និដ្ឋិតា.