១៣. អសំកច្ចិកសិក្ខាបទវណ្ណនា

តេរសមេ អសំកច្ចិកាតិ អធក្ខកឧព្ភនាភិមណ្ឌលសង្ខាតស្ស សរីរស្ស បដិច្ឆាទនត្ថំ អនុញ្ញាតសំកច្ចិកវិរហិតា. គាមំ បវិសេយ្យាតិ ឯត្ថ បរិក្ខិត្តស្ស គាមស្ស បរិក្ខេបំ, អបរិក្ខិត្តស្ស ឧបចារំ អតិក្កមន្តិយា វា ឱក្កមន្តិយា វា បឋមបាទេ ទុក្កដំ, ទុតិយេ បាចិត្តិយំ.

សាវត្ថិយំ អញ្ញតរំ ភិក្ខុនិំ អារព្ភ អសំកច្ចិកាយ គាមំ បវិសនវត្ថុស្មិំ បញ្ញត្តំ. យស្សា បន សំកច្ចិកចីវរំ អច្ឆិន្នំ វា នដ្ឋំ វា, តស្សា, គិលានាយ, អាបទាសុ, ឧម្មត្តិកាទីនញ្ច អនាបត្តិ. អសំកច្ចិកតា, វុត្តបរិច្ឆេទាតិក្កមោ, អនុញ្ញាតការណាភាវោតិ ឥមានេត្ថ តីណិ អង្គានិ. សមុដ្ឋានាទីនិ ឯឡកលោមសទិសានីតិ.

អសំកច្ចិកសិក្ខាបទវណ្ណនា និដ្ឋិតា.

ឆត្តុបាហនវគ្គោ នវមោ.