៨. បឋមសហជីវិនិសិក្ខាបទវណ្ណនា

អដ្ឋមេ សហជីវិនិន្តិ សទ្ធិវិហារិនិំ. នេវ អនុគ្គណ្ហេយ្យាតិ សយំ ឧទ្ទេសាទីហិ នានុគ្គណ្ហេយ្យ. ន អនុគ្គណ្ហាបេយ្យាតិ ‘‘ឥមិស្សា, អយ្យេ, ឧទ្ទេសាទីនិ ទេហី’’តិ ឯវំ ន អញ្ញាយ អនុគ្គណ្ហាបេយ្យ. បាចិត្តិយន្តិ ធុរេ និក្ខិត្តមត្តេ បាចិត្តិយំ.

សាវត្ថិយំ ថុល្លនន្ទំ អារព្ភ ឯវរូបេ វត្ថុស្មិំ បញ្ញត្តំ, សេសមេត្ថ តុវដ្ដវគ្គេ ទុក្ខិតសហជីវិនិសិក្ខាបទេ វុត្តសទិសមេវាតិ.

បឋមសហជីវិនិសិក្ខាបទវណ្ណនា និដ្ឋិតា.