៦. ភោជនទានសិក្ខាបទវណ្ណនា

ឆដ្ឋេ សហត្ថាតិ កាយេន វា កាយប្បដិពទ្ធេន វា និស្សគ្គិយេន វា ឋបេត្វា បញ្ចសហធម្មិកេ អវសេសានំ អញ្ញត្រ ឧទកទន្តបោនា យំកិញ្ចិ អជ្ឈោហរណីយំ ទទន្តិយា បាចិត្តិយំ.

សាវត្ថិយំ ថុល្លនន្ទំ អារព្ភ អគារិកស្ស ខាទនីយភោជនីយទានវត្ថុស្មិំ បញ្ញត្តំ, ឧទកទន្តបោនេ ទុក្កដំ. យា បន ទាបេតិ ន ទេតិ, ឧបនិក្ខិបិត្វា ទេតិ, ពាហិរលេបំ ទេតិ, តស្សា, ឧម្មត្តិកាទីនញ្ច អនាបត្តិ. អញ្ញត្រ ឧទកទន្តបោនា អជ្ឈោហរណិយំ, ឋបេត្វា បញ្ច សហធម្មិកេ អញ្ញស្ស សហត្ថា ទានន្តិ ឥមានេត្ថ ទ្វេ អង្គានិ. សមុដ្ឋានាទីនិ ឯឡកលោមសទិសានីតិ.

ភោជនទានសិក្ខាបទវណ្ណនា និដ្ឋិតា.