១០. តិរច្ឆានវិជ្ជាវាចនសិក្ខាបទវណ្ណនា

ទសមេ វាចេយ្យាតិ បទំ វិសេសោ. ឧភយម្បិ សាវត្ថិយំ ឆព្ពគ្គិយា ចេវ សម្ពហុលា ភិក្ខុនិយោ ច អារព្ភ តិរច្ឆានវិជ្ជំ បរិយាបុណនវាចនវត្ថុស្មិំ បញ្ញត្តំ. លេខេ, ធារណាយ ច, គុត្តត្ថាយ ច យក្ខបរិត្តនាគមណ្ឌលាទិកេ សព្ពបរិត្តេ, ឧម្មត្តិកាទីនញ្ច អនាបត្តិ. តិរច្ឆានវិជ្ជតា, បរិយាបុណនវាចនា, អនុញ្ញាតការណាភាវោតិ ឥមានេត្ថ ទ្វីសុបិ តីណិ អង្គានិ. សមុដ្ឋានាទីនិ បទសោធម្មសទិសានីតិ.

តិរច្ឆានវិជ្ជាវាចនសិក្ខាបទវណ្ណនា និដ្ឋិតា.

ចិត្តាគារវគ្គោ បញ្ចមោ.