១០. កថិនុទ្ធារសិក្ខាបទវណ្ណនា

ទសមេ ធម្មិកំ កថិនុទ្ធារន្តិ សព្ពាសំ ភិក្ខុនីនំ អកាលចីវរំ ទាតុកាមេន ឧបាសកេន យត្តកោ អត្ថារមូលិកោ អានិសំសោ, តតោ អធិកំ វា សមកំ វា ទត្វា យាចិតេន សមគ្គេន ភិក្ខុនិសង្ឃេន យំ កថិនំ ញត្តិទុតិយកម្មេន អន្តរា ឧទ្ធរីយតិ, តស្ស សោ ឧទ្ធារោ ‘ធម្មិកោ’តិ វុច្ចតិ, ឯវរូបំ កថិនុទ្ធារន្តិ អត្ថោ. បដិពាហេយ្យាតិ និវារេយ្យ, តស្ស ឯវរូបំ កថិនុទ្ធារំ និវារេន្តិយា បាចិត្តិយំ.

សាវត្ថិយំ ថុល្លនន្ទំ អារព្ភ កថិនុទ្ធារំ បដិពាហនវត្ថុស្មិំ បញ្ញត្តំ, សេសំ សត្តមេ វុត្តនយេនេវ វេទិតព្ពន្តិ.

កថិនុទ្ធារសិក្ខាបទវណ្ណនា និដ្ឋិតា.

នគ្គវគ្គោ តតិយោ.