៣. តលឃាតកសិក្ខាបទវណ្ណនា

តតិយេ តលឃាតកេតិ អន្តមសោ ឧប្បលកេសរេនាបិ មុត្តករណស្ស តលឃាតនេ មុត្តករណម្ហិ បហារទានេ បាចិត្តិយន្តិ អត្ថោ.

សាវត្ថិយំ ទ្វេ ភិក្ខុនិយោ អារព្ភ តលឃាតករណវត្ថុស្មិំ បញ្ញត្តំ, បុរិមនយេនេវ សាណត្តិកំ, អាបត្តិភេទោ នត្ថិ. ឥតោ បរំ បន យត្ថ នត្ថិ, តត្ថ អវត្វាវ គមិស្សាម. អាពាធបច្ចយា គណ្ឌំ វា វណំ វា បហរន្តិយា, ឧម្មត្តិកាទីនញ្ច អនាបត្តិ. អាពាធាភាវោ, មុត្តករណេ បហារទានំ, ផស្សសាទិយនន្តិ ឥមានេត្ថ តីណិ អង្គានិ. សមុដ្ឋានាទីនិ បឋមបារាជិកសទិសានីតិ.

តលឃាតកសិក្ខាបទវណ្ណនា និដ្ឋិតា.