៨. និស្សយបច្ចយនិទ្ទេសវណ្ណនា

៨. និស្សយបច្ចយនិទ្ទេសេ ‘‘រូបិនោ ធម្មា អរូបីនំ ធម្មានំ កិស្មិញ្ចិ កាលេ’’តិ ឥទំ ន លព្ភតិ. យំ បនេត្ថ លព្ភតិ ‘‘រូបិនោ ធម្មា កេចី’’តិ, តត្ថ តេ ឯវ ធម្មេ ទស្សេតុំ ‘‘ចក្ខាយតន’’ន្តិអាទិ វុត្តន្តិ. ‘‘វត្ថុរូបំ បញ្ចវោការភវេ’’តិ វុត្តត្តា ‘‘ឋបេត្វា អារុប្បវិបាក’’ន្តិ ឥទំ ន វត្តព្ពន្តិ ចេ? ន, ‘‘តេភូមកវិបាកស្សា’’តិ វុត្តេ បញ្ចវោការភវេ អនុប្បជ្ជនកំ ឋបេតព្ពំ អជានន្តស្ស តស្ស បកាសេតព្ពត្តា.

និស្សយបច្ចយនិទ្ទេសវណ្ណនា និដ្ឋិតា.