១៥. អាហារបច្ចយនិទ្ទេសវណ្ណនា

១៥. កពឡំ ករិត្វា អជ្ឈោហរិតោវាតិ អសិតបីតាទិវត្ថូហិ សហ អជ្ឈោហរិតោវាតិ វុត្តំ ហោតិ. បាតព្ពសាយិតព្ពានិបិ ហិ សភាវវសេន កពឡាយេវ ហោន្តីតិ.

សេសតិសន្តតិសមុដ្ឋានស្ស អនុបាលកោវ ហុត្វាតិ ឯត្ថ ចិត្តសមុដ្ឋានស្ស អាហារបច្ចយភាវោ វិចារេត្វា គហេតព្ពោ. ន ហិ ចិត្តសមុដ្ឋានោ កពឡីការោ អាហារោ នោចិត្តសមុដ្ឋានោ តទុភយញ្ច ចិត្តសមុដ្ឋានកាយស្ស អាហារបច្ចយោ វុត្តោ, តិវិធោបិ បន សោ នោចិត្តសមុដ្ឋានកាយស្ស វុត្តោតិ.

អាហារបច្ចយនិទ្ទេសវណ្ណនា និដ្ឋិតា.