១៣. កម្មបច្ចយនិទ្ទេសវណ្ណនា

១៣. ចេតនាសម្បយុត្តកម្មំ អភិជ្ឈាទិ កម្មបច្ចយោ ន ហោតីតិ ‘‘ចេតនាកម្មមេវា’’តិ អាហ. សតិបិ ហិ វិបាកធម្មធម្មត្តេ ន ចេតនាវជ្ជា ឯវំសភាវាតិ. អត្តនោ ផលំ ឧប្បាទេតុំ សមត្ថេនាតិ កម្មស្ស សមត្ថតា តស្ស កម្មបច្ចយភាវោ វុត្តាតិ ទដ្ឋព្ពា.

បញ្ចវោការេយេវ, ន អញ្ញត្ថាតិ ឯតេន កាមាវចរចេតនា ឯកវោការេ រូបម្បិ ន ជនេតីតិ ទស្សេតិ.

កម្មបច្ចយនិទ្ទេសវណ្ណនា និដ្ឋិតា.