៣. កាមគុណកថាវណ្ណនា

៥១០. កាមភវស្ស កមនដ្ឋេន កាមភវភាវោ សព្ពេបិ កាមាវចរា ខន្ធាទយោ កាមភវោតិ ឥមិនា អធិប្បាយេន ទដ្ឋព្ពោ. ឧបាទិន្នក្ខន្ធានមេវ បន កាមភវភាវោ ធាតុកថាយំ ទស្សិតោ, ន កមនដ្ឋេន កាមភវភាវោ. ‘‘បញ្ចិមេ, ភិក្ខវេ, កាមគុណា’’តិ វចនមត្តំ និស្សាយាតិ បញ្ចេវ កាមកោដ្ឋាសា ‘‘កាមោ’’តិ វុត្តាតិ កាមធាតូតិវចនំ ន អញ្ញស្ស នាមន្តិ ឥមិនា អធិប្បាយេនេវំ វចនមត្តំ និស្សាយាតិ អត្ថោ.

កាមគុណកថាវណ្ណនា និដ្ឋិតា.