៨. ជរាមរណំវិបាកោតិកថាវណ្ណនា

៤៩៥. សម្បយោគលក្ខណាភាវាតិ ‘‘ឯការម្មណា’’តិ ឥមស្ស សម្បយោគលក្ខណស្ស អភាវាតិ អធិប្បាយោ.

៤៩៦. បរិយាយោ នត្ថីតិ សកវាទិនា អត្តនា វត្តព្ពតាយ បរិយាយោ នត្ថីតិ អព្យាកតានំ ជរាមរណស្ស វិបាកនិវារណត្ថំ អព្យាកតវសេន បុច្ឆា ន កតាតិ ទស្សេតិ.

៤៩៧. អបរិសុទ្ធវណ្ណតា ជរាយេវាតិ កេចិ, តំ អកុសលកម្មំ កម្មសមុដ្ឋានស្សាតិអាទិនា រូបស្សេវ ទុព្ពណ្ណតាទស្សនេន សមមេវាតិ.

ជរាមរណំវិបាកោតិកថាវណ្ណនា និដ្ឋិតា.