១០. សព្ពសំយោជនប្បហានកថាវណ្ណនា

៤១៣. និប្បរិយាយេនេវាតិ អវសិដ្ឋស្ស បហាតព្ពស្ស អភាវា ‘‘សព្ពសំយោជនប្បហាន’’ន្តិ ឥមំ បរិយាយំ អគ្គហេត្វា អរហត្តមគ្គេន បជហនតោ ឯវាតិ គណ្ហាតីតិ វុត្តំ ហោតិ. អប្បហីនស្ស អភាវាតិ អវសិដ្ឋស្ស បហាតព្ពស្ស អភាវា បដិជានាតីតិ វទន្តិ, តថា ‘‘អនវសេសប្បហាន’’ន្តិ ឯត្ថាបិ. ឯវំ សតិ តេន អត្តនោ លទ្ធិំ ឆឌ្ឌេត្វា សកវាទិស្ស លទ្ធិយា បដិញ្ញាតន្តិ អាបជ្ជតិ.

សព្ពសំយោជនប្បហានកថាវណ្ណនា និដ្ឋិតា.

ចតុត្ថវគ្គវណ្ណនា និដ្ឋិតា.