៥. ឧបេក្ខាសមន្នាគតកថាវណ្ណនា

៣៩៧. ឥមិនាវ នយេនាតិ ‘‘តត្ថ ទ្វេ សមន្នាគមា’’តិអាទិ សព្ពំ យោជេតព្ពំ. តត្ថ បត្តិធម្មោ នាម រូបាវចរាទីសុ អញ្ញតរភូមិំ បឋមជ្ឈានាទិវសេន បាបុណន្តស្ស បឋមជ្ឈានាទីនំ បដិលាភោ. និរុទ្ធេសុបិ បឋមជ្ឈានាទីសុ អនិរុជ្ឈនតោ ចិត្តវិប្បយុត្តោ សង្ខារោ, យេន សុបន្តោ សជ្ឈាយាទិបសុតោ ច តេហិ សមន្នាគតោតិ វុច្ចតីតិ វទន្តិ.

ឧបេក្ខាសមន្នាគតកថាវណ្ណនា និដ្ឋិតា.