១. អនុលោមបច្ចនីកវណ្ណនា

១២. បុរិមបច្ឆិមជាតិកាលញ្ចាតិ មជ្ឈិមជាតិកាលេ ឧបលព្ភមានស្ស តស្សេវ បុរិមបច្ឆិមជាតិកាលេសុ ឧបលទ្ធិំ សន្ធាយាតិ អធិប្បាយោ. សេសំ បឋមនយេ វុត្តសទិសមេវាតិ ឥមេសុ តីសុ បឋមេ ‘‘សព្ពត្ថា’’តិ ឯតស្មិំ នយេ វុត្តសទិសមេវ, កិំ តំ? បាឋស្ស សំខិត្តតាតិ អត្ថោ. ឥធាបិ ហិ យស្មា ‘‘សព្ពទា ន ឧបលព្ភតី’’តិ វុត្តេ ឯកទា ឧបលព្ភតីតិ អាបជ្ជតិ, តស្មា បច្ចនីកេ បដិក្ខេបោ សកវាទិស្សាតិ យោជេតព្ពន្តិ.