៥. វចីភេទកថាវណ្ណនា

៣២៦. វចីភេទកថាយំ លោកុត្តរំ បឋមជ្ឈានំ សមាបន្នោតិ បឋមមគ្គំ សន្ធាយ វទតិ, យស្មា សោ ទុក្ខន្តិ វិបស្សតិ, តស្មា ទុក្ខមិច្ចេវ វាចំ ភាសតិ, ន សមុទយោតិអាទីនីតិ អធិប្បាយោ.

៣២៨. យេន តំ សទ្ទំ សុណាតីតិ ឥទំ វចីសមុដ្ឋាបនក្ខណេ ឯវ ឯតំ សទ្ទំ សុណាតីតិ ឥច្ឆិតេ អារោបិតេ វា យុជ្ជតិ.

៣៣២. លោកុត្តរមគ្គក្ខណេ វចីភេទំ ឥច្ឆតោ បរស្ស អភិភូសុត្តាហរណេ អធិប្បាយោ វត្តព្ពោ.

វចីភេទកថាវណ្ណនា និដ្ឋិតា.