១. សុទ្ធព្រហ្មចរិយកថាវណ្ណនា

២៦៩. ‘‘បរនិម្មិតវសវត្តិទេវេ ឧបាទាយ តទុបរី’’តិ វុត្តំ, ‘‘តីហិ, ភិក្ខវេ, ឋានេហី’’តិ (អ. និ. ៩.២១) បន សុត្តស្ស វចនេន ហេដ្ឋាបិ មគ្គភាវនម្បិ ន ឥច្ឆន្តីតិ វិញ្ញាយតិ.

២៧០. ‘‘គិហីនញ្ចេវ ឯកច្ចានញ្ច ទេវានំ មគ្គបដិលាភំ សន្ធាយ បដិក្ខេបោ តស្សេវា’’តិ វុត្តំ, ‘‘យត្ថ នត្ថី’’តិ បន ឱកាសវសេន បុដ្ឋោ បុគ្គលវសេន តស្ស បដិក្ខេបោ ន យុត្តោ. យទិ ច តស្សាយំ អធិប្បាយោ, សកវាទិនា សមានាធិប្បាយត្តា ន និគ្គហេតព្ពោ.

២៧១. ឯកន្តរិកបញ្ហាតិ បរវាទីសកវាទីនំ អញ្ញមញ្ញំ បញ្ហន្តរិកា បញ្ហា.

សុទ្ធព្រហ្មចរិយកថាវណ្ណនា និដ្ឋិតា.