២. អរិយបុគ្គលសំសន្ទនបរិហានិវណ្ណនា

២៤១. យំ បនេត្ថាតិអាទិម្ហិ ទស្សនមគ្គផលេ ឋិតស្ស អនន្តរំ អរហត្តប្បត្តិំ, តតោ បរិហាយិត្វា តត្ថ ច ឋានំ ឥច្ឆន្តោ បុន វាយាមេន តទនន្តរំ អរហត្តប្បត្តិំ ន ឥច្ឆតីតិ វិចារេតព្ពមេតំ.

២៦២. អវសិប្បត្តោ ឈានលាភីតិ សេក្ខោ វុត្តោតិ ទដ្ឋព្ពោ. បុថុជ្ជនោ បន វសិប្បត្តោ អវសិប្បត្តោ ច សមយវិមុត្តអសមយវិមុត្តតន្តិយា អគ្គហិតោ, ភជាបិយមានោ បន សមាបត្តិវិក្ខម្ភិតានំ កិលេសានំ វសេន សមយវិមុត្តភាវំ ភជេយ្យាតិ វុត្តោតិ.

អរិយបុគ្គលសំសន្ទនបរិហានិវណ្ណនា និដ្ឋិតា.