៧. អច្ចន្តនិយាមកថាវណ្ណនា

៨៤៧. ‘‘សកិំ និមុគ្គោ និមុគ្គោវ ហោតី’’តិ សុត្តំ និស្សាយាតិ តាយ ជាតិយា លោកុត្តរសទ្ធាទីនំ អនុប្បត្តិំ សន្ធាយ កតំ អវធារណំ សំសារខាណុកភាវំ សន្ធាយ កតន្តិ មញ្ញមានោ បុថុជ្ជនស្សាយំ អច្ចន្តនិយាមតា, យាយំ និយតមិច្ឆាទិដ្ឋីតិ ‘‘អត្ថិ បុថុជ្ជនស្ស អច្ចន្តនិយាមតា’’តិ វទតិ. វិចិកិច្ឆុប្បត្តិ និយាមន្តរុប្បត្តិ ច អច្ចន្តនិយាមនិវត្តកា វិចារេត្វា គហេតព្ពា.

អច្ចន្តនិយាមកថាវណ្ណនា និដ្ឋិតា.