២. សុញ្ញតកថាវណ្ណនា

៨៣២. អនត្តលក្ខណំ តាវ ឯកច្ចន្តិ អរូបក្ខន្ធានំ អនត្តលក្ខណំ វទតិ. ឯកេន បរិយាយេនាតិ អនត្តលក្ខណស្ស ជរាមរណភាវបរិយាយេនាតិ វទន្តិ. រូបក្ខន្ធាទីនញ្ហិ មា ជីរតុ មា មរតូតិ អលព្ភនេយ្យោ អវសវត្តនាការោ អនត្តតា, សា អត្ថតោ ជរាមរណមេវ, តញ្ច ‘‘ជរាមរណំ ទ្វីហិ ខន្ធេហិ សង្គហិត’’ន្តិ (ធាតុ. ៧១) វុត្តត្តា អរូបក្ខន្ធានំ ជរាមរណំ សង្ខារក្ខន្ធបរិយាបន្នន្តិ អយមេតេសំ អធិប្បាយោ.

សុញ្ញតកថាវណ្ណនា និដ្ឋិតា.