៤. ញាណកថាវណ្ណនា

៦១៤-៦១៥. ញាណកថាយំ សេយ្យថាបិ មហាសង្ឃិកានន្តិ បុព្ពេ ញាណំអនារម្មណន្តិកថាយំ (កថា. ៥៥៧ អាទយោ) វុត្តេហិ អន្ធកេហិ អញ្ញេ ឥធ មហាសង្ឃិកា ភវេយ្យុំ. យទិ អញ្ញាណេ វិគតេតិអាទិនា រាគវិគមោ វិយ វីតរាគបញ្ញត្តិយា អញ្ញាណវិគមោ ញាណីបញ្ញត្តិយា ការណន្តិ ទស្សេតិ. ន ហិ ញាណំ អស្ស អត្ថីតិ ញាណី, អថ ខោ អញ្ញាណីបដិបក្ខតោ ញាណីតិ. យស្មា ញាណបដិលាភេនាតិ ឯត្ថ ច ញាណបដិលាភេន អញ្ញាណស្ស វិគតត្តា សោ ញាណីតិ វត្តព្ពតំ អាបជ្ជតីតិ អត្ថោ ទដ្ឋព្ពោ.

ញាណកថាវណ្ណនា និដ្ឋិតា.