៣. តិស្សព្រហ្មាសុត្តវណ្ណនា

៥៦. តតិយេ វិវិត្តានិ តាទិសានិ បន បរិយន្តានិ អតិទូរានិ ហោន្តីតិ អាហ ‘‘អន្តិមបរិយន្តិមានី’’តិ. អន្តេ ភវានិ អន្តិមានិ, អន្តិមានិយេវ បរិយន្តិមានិ. ឧភយេនបិ អតិទូរតំ ទស្សេតិ. សមន្នាហារេ ឋបយមានោតិ ឥន្ទ្រិយំ សមាការេន វត្តេន្តោ ឥន្ទ្រិយសមតំ បដិបាទេន្តោ នាម ហោតិ. វិបស្សនាចិត្តសម្បយុត្តោ សមាធិ, សតិបិ សង្ខារនិមិត្តាវិរហេ និច្ចនិមិត្តាទិវិរហតោ ‘‘អនិមិត្តោ’’តិ វុច្ចតីតិ អាហ ‘‘អនិមិត្តន្តិ ពលវវិបស្សនាសមាធិ’’ន្តិ.

តិស្សព្រហ្មាសុត្តវណ្ណនា និដ្ឋិតា.