៧-១១. សញ្ញាសុត្តាទិវណ្ណនា

២៧-៣១. សត្តមេ អនិច្ចាតិ អនុបស្សតិ ឯតាយាតិ អនិច្ចានុបស្សនា. តថាបវត្តវិបស្សនា បន យស្មា អត្តនា សហគតសញ្ញាយ ភាវិតាយ ភាវិតា ឯវ ហោតិ, តស្មា វុត្តំ ‘‘អនិច្ចានុបស្សនាទីហិ សហគតសញ្ញា’’តិ. ឥមា សត្ត លោកិយវិបស្សនាបិ ហោន្តិ ‘‘អនិច្ច’’ន្តិអាទិនា បវត្តនតោ. ‘‘ឯតំ សន្តំ ឯតំ បណីតំ យទិទំ សព្ពសង្ខារសមថោ’’តិ អាគតវសេន បនេត្ថ ទ្វេ លោកុត្តរា ហោន្តីតិ វេទិតព្ពា. ‘‘វិរាគោ និរោធោ’’តិ ហិ តត្ថ និព្ពានំ វុត្តន្តិ ឥធ វិរាគសញ្ញា, តា វុត្តសញ្ញា និព្ពានារម្មណាបិ សិយុំ. សេសមេត្ថ សុវិញ្ញេយ្យមេវ. អដ្ឋមាទីនិ ឧត្តានត្ថានេវ.

សញ្ញាសុត្តាទិវណ្ណនា និដ្ឋិតា.

វជ្ជិសត្តកវគ្គវណ្ណនា និដ្ឋិតា.