៥. អនុស្សតិដ្ឋានសុត្តវណ្ណនា

២៥. បញ្ចមេ អនុស្សតិការណានីតិ អនុស្សតិយោ ឯវ ទិដ្ឋធម្មិកសម្បរាយិកាទិហិតសុខានំ ហេតុភាវតោ ការណានិ. និក្ខន្តន្តិ និស្សដំ. មុត្តន្តិ វិស្សដ្ឋំ. វុដ្ឋិតន្តិ អបេតំ. សព្ពមេតំ វិក្ខម្ភនមេវ សន្ធាយ វទតិ. គេធម្ហាតិ បញ្ចកាមគុណតោ. ឥទម្បីតិ ពុទ្ធានុស្សតិវសេន លទ្ធំ ឧបចារជ្ឈានមាហ. អារម្មណំ ករិត្វាតិ បច្ចយំ ករិត្វា, បាទកំ កត្វាតិ អត្ថោ.

អនុស្សតិដ្ឋានសុត្តវណ្ណនា និដ្ឋិតា.