៧. សោប្បសុត្តវណ្ណនា

១៧. សត្តមេ បដិសល្លានា វុដ្ឋិតោតិ ឯត្ថ បដិសល្លានន្តិ តេហិ តេហិ សទ្ធិវិហារិកអន្តេវាសិកឧបាសកាទិសត្តេហិ ចេវ រូបារម្មណាទិសង្ខារេហិ ច បដិនិវត្តិត្វា អបសក្កិត្វា និលីយនំ វិវេចនំ. កាយចិត្តេហិ តតោ វិវិត្តោ ឯកីភាវោ បវិវេកោតិ អាហ ‘‘ឯកីភាវាយា’’តិអាទិ. ឯកីភាវតោតិ ច ឥមិនា កាយវិវេកតោ វុដ្ឋានមាហ. ធម្មនិជ្ឈានក្ខន្តិតោតិអាទិនា ចិត្តវិវេកតោ. វុដ្ឋិតោតិ តតោ ទុវិធវិវេកតោ ភវង្គុប្បត្តិយា សព្រហ្មចារីហិ សមាគមេន ឧបេតោ.

សោប្បសុត្តវណ្ណនា និដ្ឋិតា.