២. ទុតិយសារណីយសុត្តវណ្ណនា

១២. ទុតិយេ សព្រហ្មចារីនន្តិ សហធម្មិកានំ. បិយំ បិយាយិតព្ពកំ ករោន្តីតិ បិយករណា. គរុំ គរុដ្ឋានិយំ ករោន្តីតិ គរុករណា. សង្គណ្ហនត្ថាយាតិ សង្គហវត្ថុវិសេសភាវតោ សព្រហ្មចារីនំ សង្គហណាយ សំវត្តន្តីតិ សម្ពន្ធោ. អវិវទនត្ថាយាតិ សង្គហវត្ថុភាវតោ ឯវ ន វិវទនត្ថាយ. សតិ ច អវិវទនហេតុភូតសង្គហកត្តេ តេសំ វសេន សព្រហ្មចារីនំ សមគ្គភាវោ ភេទាភាវោ សិទ្ធោយេវាតិ អាហ ‘‘សាមគ្គិយា’’តិអាទិ.

ទុតិយសារណីយសុត្តវណ្ណនា និដ្ឋិតា.