៩. អនុស្សតិដ្ឋានសុត្តវណ្ណនា

៩. នវមេ អនុស្សតិយោ ឯវ ទិដ្ឋធម្មិកសម្បរាយិកាទិហិតសុខានំ ការណភាវតោ ឋានានីតិ អនុស្សតិដ្ឋានានិ. ពុទ្ធគុណារម្មណា សតីតិ យថា ពុទ្ធានុស្សតិ វិសេសាធិគមស្ស ឋានំ ហោតិ, ឯវំ ‘‘ឥតិបិ សោ ភគវា’’តិអាទិនា ពុទ្ធគុណេ អារព្ភេ ឧប្បន្នា សតិ. ឯវំ អនុស្សរតោ ហិ បីតិ ឧប្បជ្ជតិ, សោ តំ បីតិំ ខយតោ វយតោ បដ្ឋបេត្វា អរហត្តំ បាបុណាតិ. ឧបចារកម្មដ្ឋានំ នាមេតំ គិហីនម្បិ លព្ភតិ. ឧបចារកម្មដ្ឋានន្តិ ច បច្ចក្ខតោ ឧបចារជ្ឈានាវហំ កម្មដ្ឋានបរម្បរាយ សម្មសនំ យាវ អរហត្តា លោកិយលោកុត្តរវិសេសាវហំ. ឯស នយោ សព្ពត្ថ.

អនុស្សតិដ្ឋានសុត្តវណ្ណនា និដ្ឋិតា.