១-១១. បាតុភាវសុត្តាទិវណ្ណនា

៩៦-១០៦. ទសមស្ស បឋមាទីសុ នត្ថិ វត្តព្ពំ. អដ្ឋមេ មេត្តា ឯតស្ស អត្ថីតិ មេត្តាវា, តស្ស ភាវោ មេត្តាវតា, មេត្តាបដិបត្តិ, តាយ. សា បន មេត្តាវតា មេត្តាវសេន បារិចរិយាតិ អាហ ‘‘មេត្តាយុត្តាយ បារិចរិយាយា’’តិ. បរិចរន្តិ វិប្បកតព្រហ្មចរិយត្តា. បរិចិណ្ណសត្ថុកេន សាវកេន នាម សត្ថុនោ យាវ ធម្មេន កាតព្ពា បារិចរិយា, តាយ សម្មទេវ សម្បាទិតត្តា. នវមាទីនិ ឧត្តានត្ថានិ.

បាតុភាវសុត្តាទិវណ្ណនា និដ្ឋិតា.

អានិសំសវគ្គវណ្ណនា និដ្ឋិតា.

១០៧-១១៦. ឯកាទសមវគ្គោ ឧត្តានត្ថោយេវ.

ឥតិ មនោរថបូរណិយា អង្គុត្តរនិកាយ-អដ្ឋកថាយ

ឆក្កនិបាតវណ្ណនាយ អនុត្តានត្ថទីបនា សមត្តា.