៨-១០. លិច្ឆវិកុមារកសុត្តាទិវណ្ណនា

៥៨-៦០. អដ្ឋមេ សាបតេយ្យន្តិ ឯត្ថ សំ វុច្ចតិ ធនំ, តស្ស បតីតិ សបតិ, ធនសាមិកោ. តស្ស ហិតាវហត្តា សាបតេយ្យំ, ទ្រព្យំ, ធនន្តិ អត្ថោ. អត្តនោ រុចិវសេន គាមកិច្ចំ នេតីតិ គាមនិយោ, គាមនិយោយេវ គាមណិកោ.

អន្វាយ ឧបនិស្សាយ ជីវនសីលា អនុជីវិនោតិ អាហ ‘‘យេ ច ឯតំ ឧបនិស្សាយ ជីវន្តី’’តិ. ឯកំ មហាកុលំ និស្សាយ បណ្ណាសម្បិ សដ្ឋិបិ កុលានិ ជីវន្តិ, តេ មនុស្សេ សន្ធាយេតំ វុត្តំ. សេសំ សុវិញ្ញេយ្យមេវ. នវមាទីនិ ឧត្តានត្ថានេវ.

លិច្ឆវិកុមារកសុត្តាទិវណ្ណនា និដ្ឋិតា.

នីវរណវគ្គវណ្ណនា និដ្ឋិតា.