១-៦. សារជ្ជសុត្តាទិវណ្ណនា

១៧១-១៧៦. តតិយស្ស បឋមទុតិយតតិយចតុត្ថេ នត្ថិ វត្តព្ពំ. បញ្ចមេ ឧបាសកបច្ឆិមកោតិ ឧបាសកនិហីនោ. ‘‘ឥមិនា ទិដ្ឋាទិនា ឥទំ នាម មង្គលំ ភវិស្សតី’’តិ ឯវំ ពាលជនបរិកប្បិតកោតូហលសង្ខាតេន ទិដ្ឋសុតមុតមង្គលេន សមន្នាគតោ កោតូហលមង្គលិកោ. តេនាហ ‘‘ឥមិនា ឥទំ ភវិស្សតី’’តិអាទិ. មង្គលំ បច្ចេតីតិ ទិដ្ឋមង្គលាទិភេទំ មង្គលមេវ បត្ថិយាយតិ. នោ កម្មន្តិ កម្មស្សកតំ នោ បត្ថិយាយតិ. ឥមម្ហា សាសនាតិ ឥតោ សព្ពញ្ញុពុទ្ធសាសនតោ. ពហិទ្ធាតិ ពាហិរកសមយេ. ទក្ខិណេយ្យំ បរិយេសតីតិ ‘‘ទុប្បដិបន្នា ទក្ខិណេយ្យា’’តិ សញ្ញី គវេសតិ. ឯត្ថ ទក្ខិណបរិយេសនបុព្ពការេ ឯកំ កត្វា បញ្ច ធម្មា វេទិតព្ពា. ឆដ្ឋំ ឧត្តានមេវ.

សារជ្ជសុត្តាទិវណ្ណនា និដ្ឋិតា.