៧-៨. វណិជ្ជាសុត្តាទិវណ្ណនា

១៧៧-៨. សត្តមេ សត្ថវណិជ្ជាតិ អាវុធភណ្ឌំ កត្វា វា ការេត្វា វា កតំ វា បដិលភិត្វា តស្ស វិក្កយោ. អាវុធភណ្ឌំ ការេត្វា តស្ស វិក្កយោតិ ឥទំ បន និទស្សនមត្តំ. សូករមិគាទយោ បោសេត្វា តេសំ វិក្កយោតិ សូករមិគាទយោ បោសេត្វា តេសំ មំសំ សម្បាទេត្វា វិក្កយោ. ឯត្ថ ច សត្ថវណិជ្ជា បរោបរាធនិមិត្តតាយ អករណីយា វុត្តា, សត្តវណិជ្ជា អភុជិស្សភាវករណតោ, មំសវិសវណិជ្ជា វធហេតុតោ, មជ្ជវណិជ្ជា បមាទដ្ឋានតោ. អដ្ឋមំ ឧត្តានមេវ.

វណិជ្ជាសុត្តាទិវណ្ណនា និដ្ឋិតា.