៦. សោខុម្មសុត្តវណ្ណនា

១៦. ឆដ្ឋេ សុខុមលក្ខណប្បដិវិជ្ឈនកានីតិ អនិច្ចាទិសុខុមលក្ខណានំ បដិវិជ្ឈនកានិ. សុខុមលក្ខណបរិគ្គាហកញាណេនាតិ សុខុមលក្ខណបរិគ្គាហកេន ញាណេន. បរតោ ជានិត្វាតិ អវសវត្តនេន អញ្ញតោ ជានិត្វា. សង្ខារា ហិ ‘‘មា ភិជ្ជិំសូ’’តិ ឥច្ឆិតាបិ ភិជ្ជន្តេវ, តស្មា តេ អវសវត្តិតាយ បរេ នាម. សា ច នេសំ បរតា អនិច្ចទស្សនេ បាកដា ហោតីតិ វុត្តំ ‘‘ឥមិនា ហិ បទេន អនិច្ចានុបស្សនា កថិតា’’តិ. សេសំ ឧត្តានមេវ.

សោខុម្មសុត្តវណ្ណនា និដ្ឋិតា.