៣-៤. មហាកោដ្ឋិកសុត្តាទិវណ្ណនា

១៧៣-៤. តតិយេ ផស្សាយតនានន្តិ ឯត្ថ អាករដ្ឋោ អាយតនសទ្ទោតិ អាហ ‘‘ផស្សាករាន’’ន្តិអាទិ. ‘‘សុវណ្ណាយតនំ, រជតាយតន’’ន្តិអាទីសុ អាករោបិ ‘‘អាយតន’’ន្តិ វុត្តោ, សញ្ជាតិសមោសរណាទិវសេនបិ អាយតនដ្ឋោ លព្ភតិយេវ. មា-ឥតិ បដិសេធេ និបាតោ. ស្វាយំ ឆន្នំ ផស្សាយតនានំ អសេសំ វិរាគនិរោធា អត្ថញ្ញំ វចនំ កិញ្ចីតិ សន្ធាយាហាតិ អាហ ‘‘មា ភណីតិ អត្ថោ’’តិ. បញ្ចផស្សាយតនានិ និរុទ្ធានីតិ ចក្ខាទីនញ្ច តត្ថ អភាវំ សន្ធាយ វទតិ. ឆដ្ឋស្សាតិ មនាយតនស្ស. ចតុត្ថេ នត្ថិ វត្តព្ពំ.

មហាកោដ្ឋិកសុត្តាទិវណ្ណនា និដ្ឋិតា.