(១២) ២. កេសិវគ្គោ

១-៧. កេសិសុត្តាទិវណ្ណនា

១១១-១១៧. ទុតិយស្ស បឋមេ អស្សទម្មេតិ ទម្មនយោគ្គេ អស្សេ. សារេតីតិ សិក្ខាបេតិ បវត្តេតិ. សេសមេត្ថ ឧត្តានមេវ. ទុតិយាទីនិ ឧត្តានត្ថានេវ.

កេសិសុត្តាទិវណ្ណនា និដ្ឋិតា.

៨-១០. សំវេជនីយសុត្តាទិវណ្ណនា

១១៨-១២០. អដ្ឋមេ សទ្ធស្សាតិ ពុទ្ធាទីសុ បសន្នចិត្តស្ស វត្តសម្បន្នស្ស, យស្ស បាតោ វុដ្ឋាយ ចេតិយង្គណវត្តាទីនិ សព្ពវត្តានិ កតានេវ បញ្ញាយន្តិ. ទស្សនីយានីតិ ទស្សនារហានិ. សំវេគោ នាម សហោត្តប្បំ ញាណំ. អភិជាតិដ្ឋានាទីនិបិ តស្ស ឧប្បត្តិហេតូនិ ភវន្តីតិ សិក្ខាបេន្តោ អាហ ‘‘សំវេគជនកានី’’តិ. ឋានានីតិ ការណានិ, បទេសដ្ឋានានិ វា. នវមទសមានិ សុវិញ្ញេយ្យានិ.

សំវេជនីយសុត្តាទិវណ្ណនា និដ្ឋិតា.

កេសិវគ្គវណ្ណនា និដ្ឋិតា.