១០. អាតប្បករណីយសុត្តវណ្ណនា

៥០. ទសមេ សរីរសម្ភវានន្តិ សរីរេ សម្ភូតានំ. ទុក្ខានន្តិ អនិដ្ឋានំ. ពហលានន្តិ និរន្តរប្បវត្តិយា អវិរឡានំ. តាបនវសេនាតិ ទុក្ខាបនវសេន. តិព្ពានន្តិ កុរូរានំ. តាសំ យថាវុត្តានំ អធិវាសនាយ បហាតព្ពទុក្ខវេទនានំ បជហនំ នាម ខមនមេវាតិ អាហ ‘‘ខមនត្ថាយា’’តិ. អាណាបេត្វាតិ ‘‘អាតប្បំ ករណីយ’’ន្តិ ពុទ្ធាណំ វិធាយ. លោកិយលោកុត្តរមិស្សកា កថិតា សសម្ភារានំ មគ្គធម្មានំ កថិតត្តា.

អាតប្បករណីយសុត្តវណ្ណនា និដ្ឋិតា.