២. លក្ខណសុត្តវណ្ណនា

២. ទុតិយេ លក្ខីយតិ ពាលោ អយន្តិ ញាយតិ ឯតេនាតិ លក្ខណំ, កម្មំ លក្ខណមេតស្សាតិ កម្មលក្ខណោតិ អាហ ‘‘កាយទ្វារាទិបវត្តំ កម្ម’’ន្តិអាទិ. អបទីយន្តិ ទោសា ឯតេន រក្ខីយន្តិ, លូយន្តិ ឆិជ្ជន្តិ វាតិ អបទានំ, សត្តានំ សម្មា, មិច្ឆា វា បវត្តប្បយោគោ. តេន សោភតីតិ អបទានសោភនី. តេនាហ ‘‘បញ្ញា នាមា’’តិអាទិ. អត្តនោ ចរិតេនេវាតិ អត្តនោ ចរិយាយ ឯវ. សេសមេត្ថ ឧត្តានមេវ.

លក្ខណសុត្តវណ្ណនា និដ្ឋិតា.