៦. កដុវិយសុត្តវណ្ណនា

១២៩. ឆដ្ឋេ គាវីនំ កយវិក្កយវសេន យោគោ ឯត្ថាតិ គោយោគោ, កយវិក្កយំ ករោន្តោ គាវីហិ យុជ្ជន្តិ ឯត្ថាតិ វា គោយោគោ, គាវីនំ វិក្កយដ្ឋានំ. តត្ថ ជាតោ បិលក្ខរុក្ខោ គោយោគបិលក្ខោ, តស្មិំ. សមីបត្ថេ ចេតំ ភុម្មវចនំ. តេនាហ ‘‘គាវីនំ វិក្កយដ្ឋានេ ឧដ្ឋិតបិលក្ខស្ស សន្តិកេ’’តិ. រិត្តោ អស្សាទោ ឯតស្សាតិ រិត្តស្សាទោ. តេនាហ ‘‘ឈានសុខាភាវេន រិត្តស្សាទ’’ន្តិ. សេសមេត្ថ ឧត្តានមេវ.

កដុវិយសុត្តវណ្ណនា និដ្ឋិតា.