៤-៩. សមណព្រាហ្មណសុត្តាទិវណ្ណនា

១០៧-១១២. ចតុត្ថេ សាមញ្ញន្តិ អរិយមគ្គោ, តេន អរណីយតោ ឧបគន្តព្ពតោ សាមញ្ញត្ថំ, អរិយផលន្តិ អាហ ‘‘សាមញ្ញត្ថន្តិ ចតុព្ពិធំ អរិយផល’’ន្តិ. ព្រហ្មញ្ញត្ថន្តិ ឯត្ថាបិ ឯសេវ នយោ. តេនាហ ‘‘ឥតរំ តស្សេវ វេវចន’’ន្តិ. អរិយមគ្គសង្ខាតំ សាមញ្ញមេវ វា អរណីយតោ សាមញ្ញត្ថន្តិ អាហ ‘‘សាមញ្ញត្ថេន វា ចត្តារោ មគ្គា’’តិ. បញ្ចមាទីនិ ឧត្តានត្ថានេវ.

សមណព្រាហ្មណសុត្តាទិវណ្ណនា និដ្ឋិតា.