២. បវិវេកសុត្តវណ្ណនា

៩៤. ទុតិយេ សាណេហិ វាកេហិ និព្ពត្តិតានិ សាណានិ. មិស្សសាណានិ មសាណានិ ន ភង្គានិ. ឯរកតិណាទីនីតិ អាទិ-សទ្ទេន អក្កមកចិកទលិវាកាទីនំ សង្គហោ. ឯរកាទីហិ កតានិ ហិ ឆវានិ លាមកានិ ទុស្សានីតិ ‘‘ឆវទុស្សានី’’តិ វត្តព្ពតំ លភន្តិ. កុណ្ឌកន្តិ តនុតរំ តណ្ឌុលប្បករណំ. បញ្ច ទុស្សីល្យានីតិ បាណាតិបាតាទីនិ បញ្ច. ចត្តារោ អាសវាតិ កាមាសវាទយោ ចត្តារោ អាសវា. សីលគ្គប្បត្តោតិ សីលេន, សីលស្ស វា អគ្គប្បត្តោ.

បវិវេកសុត្តវណ្ណនា និដ្ឋិតា.